هی که مه کوچک بییم دِ شوِ چلّه
رسمِ زیبایِه دییم دِ شوِ چلّه

شوِ اوّل، زِمِسو اول قهاره
رسمِ خو دِ لُرِسو اول قهاره

ها وِ یادم اُوسِنیا چه باصفا بی
غصّه و غم دِ دلِ مردم جیا بی

دلِ مردم آینهِ بی غلّ و غش بی
دِلِمو سی یَکتِری وِ کولِ تَش بی

دم گِریتِن دَم ایواره بَچ محلّه
که رَسِس اوّل قهاره، شوِ چلّه

دم گریتن" ایمِشو اوّل قهاره"
هر که داره هر چییه سیمو بییاره

گلوَنی دُر می‌کِردن دِ سرِ بونیا
تا که کاسِمسا بیرَن دِ دَسِّ هُمسا

چینه چینه، چلسرو، خنّه وِ لویا
وِ خوشی اوّل قهاره وِ سَر اُوما

نه چی ایسه حَردیمه وِ  ای گِرونی
زیرِ لو تبریک بویییم وا دلگرونی

نه خوَر دِ پسته و دِنَه کواویی
نه چَپش نه بوقلمو ترش آویی

رسم یارونه اُوما وا نون ترّه
که بووَن "کیخا حونه چُکس دِ خرّه"

"جیره خوار دولتم آویار ژیلم
باغِوون کیکِمم بیایید وِ سیلم"

«استاد علیرضا حکیم رئیس انجمن تبلیغات شعر استان»